文�劉兆恩（中文系）

猶原會使聽著伊在啼哭

我的囝兒

佇這個無緣的林投樹腳

我的淒涼隨樹飄搖，風雨未停

水聲風聲聲聲無奈

聲聲的無奈追我太緊

（我把衣帶緩緩繞過屘囝的頷頸，出力）

心肝囝，不通驚

阿母未擱讓你孤單讓你寒

呵 總是注定的薄命

注定不願相信汝是浪蕩子啊，哪堪怨嘆

人在多講話，七少年八少年的你我

曖昧的身影

（我靜靜偎置汝的胸坎，看惜別的安平港，聽信任的心聲）

總是困在使人未喘氣的溫柔

你當天咒誓，痴迷我固執削瘦的等待

日日夜夜

多情的無情的都是，歲月啊

伊漸漸在流，話漸漸在湠

可憐一個死尪的少年查某，卻去姘著有某的浪蕩子

（我靜靜偎置門後壁，眼淚未煞，滴落腹肚日日大）

總是做憨人的運命

呵呵運命，你可有聽見我餒死寒死的心肝

定定續在思念的尾聲，唱就木的哀歌

呵呵運命，是牽連阮母囝的衣帶，

是未開的死結

（我將衣帶甩過樹椏，搖搖晃晃）

呵呵乖囝，我的乖囝

雖然汝的阿爸無愛咱

不過阿母絕對未擱讓你孤單，

未擱讓你寒